Staða fráveitna á Íslandi er óviðuandi og því var þetta viðfangsefni fræðslufunda VAFRÍ vorið 2022. Nálgast má upptökur af fundunum hér.

Í stöðuskýrslu umhverfisstofnunar fyrir árið 2018 (birt 2020) kemur m.a. fram:

• Að lítið hefur breyst í stöðu fráveitumála hjá sveitarfélögum síðan 2010.
• Að árið 2014 hlaut skólp frá 74% Íslendinga einhverskonar hreinsun (76% 2018) .
• Þróunin frá 2010 til 2018 er afar hæg í átt að sveitarfélög uppfylli að fullu kröfur um hreinsun skólps skvt lögum og reglum landsins.
• Skortur er á að fylgst sé með árangri skólphreinsunar með mælingum og ástandi viðtaka í samræmi við kröfur reglugerðar.
• Kominn er tími á endurskoðun á skilgreiningum fyrir síður viðkvæma viðtaka.
• Aukin áhersla er á endurnýtingu á seyru (50 % nýttur árið 2018).

Sömuleiðis, í ástandsskýrslum innviða Samtaka Iðnaðarins og Félags Ráðgjafaverkfræðinga kemur fram:

• Ónóg fjárfesting í innviðum hér á landi hefur valdið því að ástand þeirra er víða óviðunandi og uppsöfnuð fjárfestingarþörf er talsverð.
• Ástand innviða hefur ekki batnað frá því slíkt mat var síðast gert árið 2017.
• Ástand einstakra þátta innviða er mismunandi:. Verst er ástand vegakerfis og fráveitna. Þessir innviðir fá ástandseinkunnina 2 sem merkir að innviðirnir eru í slæmu ásigkomulagi og starfsemi þeirra í hættu. Einkunnin segir að tafarlausra viðbragða sé þörf svo ekki dragi úr virkni þessara þátta innviða.